ఆంధ్రభారతి - తాళ్లపాక అన్నమాచార్య కీర్తనలు - తనకేడ చదువులు తనకేడ శాస్త్రాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 32-4
సంపుటము: 1-198

తాళ్లపాక అన్నమాచార్య

రాగము: నాట

తనకేడ చదువులు తనకేడ శాస్త్రాలు మనసు ^[1]చంచలబుద్ధి మానీనా	॥తన॥
జడ్డుమానవుఁడు చదువఁ జదువ నాస వడ్డివారుఁ గాక వదలీనా గుడ్డికుక్క సంతకుఁ బోయి తిరిగిన దుడ్డుపెట్లే కాక దొరకీనా	॥తన॥
దేవదూషకుఁడై తిరిగేటివానికి దేవతాంతరము తెలిసీనా శ్రీవేంకటేశ్వరు సేవాపరుఁడుగాక పావనమతియై పరగీనా	॥తన॥

^[1] ‘చెంచెల’ రేకు.