ఆంధ్రభారతి - తాళ్లపాక అన్నమాచార్య కీర్తనలు - సమమతినని నీవే చాటుదువు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 362-4
సంపుటము: 4-366

తాళ్లపాక అన్నమాచార్య

రాగము: వరాళి

సమమతినని నీవే చాటుదువు రమణ నేరుపు నేరము లెవ్వరిని	॥పల్లవి॥
రావణాదులైన రాక్షసమితిలో నీవే, దేవతలలో నీవేకావా భావింప నసురలు పగ నీకు నేలైరి యీవల సురులెల్ల హితులైరి	॥సమ॥
సకల జంతువులకుఁ జైతన్యుఁడవు నీవే వొకరు నీకుపరాక మొనరించేరా అకట కొందరిఁ బాపాత్ములఁగాఁ జేసి వెకలిఁ గొందరిఁ బుణ్యవిధులఁ జేసితివి	॥సమ॥
అటుగాన ఇట్టాయ నట్టాయనననేల యిటు నీచిత్తముకొలఁ దింతేకాక గటియించి శ్రీవేంకటపతి నీదాసు లిటువలె ఘనులై రిదివో నీకృపను	॥సమ॥