ఆంధ్రభారతి - తాళ్లపాక అన్నమాచార్య కీర్తనలు - నే నవగుణి నైన నీకుఁ బోదు భువి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 362-5
సంపుటము: 4-367

తాళ్లపాక అన్నమాచార్య

రాగము: ఆహిరి

నే నవగుణి నైన నీకుఁ బోదు భువి లోన భక్తవత్సలుఁడ వటు గాన	॥పల్లవి॥
పరమ పురుషా భవరోగ వైద్య ధరణీధర మాధవ కేశవా అరిది సంసారాన నలసితి నినుఁగను - తెరు వేదొ వెర వేదొ తెలియ నే నిపుడు	॥నే నవ॥
భువనాతీతా పుండరీకేక్షణ నవనీతప్రియ నారసింహా యివల నాయపరాధ మెంతైనఁ గలదు నా వివరము చింతించి వెసఁ గావరాదా	॥నే నవ॥
అగుణాసగుణా యాద్యంతరహితా అగణిత శ్రీ వేంకటాద్రినాథ నిగమగోచర నేను నీయాధీనమ నింతే నగుఁబాటు గాకుండ ననుఁగావుమిపుడు	॥నే నవ॥