ఆంధ్రభారతి - తాళ్లపాక అన్నమాచార్య కీర్తనలు - తల లేదు తోఁక లేదు దైవమా నీ మాయలకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 362-6
సంపుటము: 4-368

తాళ్లపాక అన్నమాచార్య

రాగము: కన్నడగౌళ

తల లేదు తోఁక లేదు దైవమా నీ మాయలకు తెలిసియుఁ దెలియక తిరిగేము నేము	॥పల్లవి॥
తను వేఁటిదో యీ తలపోఁత లేఁటివో యెనయు సంసార సుఖ మిది యేఁటిదో వెనక ముం దేఁటిదో వివేక మెరఁగక దినదినమును నేమో తిరిగేము నేము	॥తల॥
పుట్టు గిది యెక్కడో పోయేటి దెక్కడో ఇట్టె యీ సిరులెల్లా నెక్కడెక్కడో మట్టులేని హరి నిర్మాణ చక్రములోన దిట్టలమై యేమేమో తిరిగేము నేము	॥తల॥
నేరు పేదో నేర మేదో నిలిచిన దొకటేదో వూరకే నీ దాసులమై వున్నారము చేరి నన్నేలినయిట్టె శ్రీవేంకటేశ్వర గారవించి కరుణించి కావఁగదవే	॥తల॥