ఆంధ్రభారతి - తాళ్లపాక అన్నమాచార్య కీర్తనలు - ఇదియే వేదాంత మిందుకంటె లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 363-1
సంపుటము: 4-369

తాళ్లపాక అన్నమాచార్య

రాగము: మాళవి

ఇదియే వేదాంత మిందుకంటె లేదు యిదియే శ్రీ వేంకటేశుని మతము	॥పల్లవి॥
విరతియే లాభము విరతియే సౌఖ్యము విరతియే పో విజ్ఞానము విరతిచే ఘనులైరి వినకవారెల్ల విరతిఁబొందకున్న వీడదు భవము	॥ఇదియే॥
చిత్తమే పాపము చిత్తమే పుణ్యము చిత్తమే మోక్షసిద్ధియును చిత్తమువలెనే శ్రీ హరి నిలుచును చిత్త శాంతి లేక చేరదు పరము	॥ఇదియే॥
యెంత చదివినా యెంత వెదికినా యింతకంటె మరి యిఁకలేదు యింతకంటె శ్రీ వేంకటేశుదాసులౌట యెంతవారికైన యిదియే తెరువు	॥ఇదియే॥