ఆంధ్రభారతి - తాళ్లపాక అన్నమాచార్య కీర్తనలు - ఇందుకుఁగా నా యెరఁగమి నేమని దూరుదును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 363-3
సంపుటము: 4-371

తాళ్లపాక అన్నమాచార్య

రాగము: మాళవశ్రీ

ఇందుకుఁగా నా యెరఁగమి నేమని దూరుదును అందియు నిను నేఁ దెలియక అయ్యో నేనిపుడు	॥పల్లవి॥
ఆతుమలోననుండి యఖిలోపాయములు చేతనునకు నీవే చింతించఁగాను కాతురపడి నేను కర్తననుచుఁ బనులు యీతలఁ జెప్పఁగఁబూనే నిస్సిరో	॥ఇందు॥
తను విటు నీ వొసఁగి తగు భాగ్యము నీవై అనువుగ జీవుని నీయటు నీవేలఁగను తనియక నే వొరులు దాతలనుచుఁ బోయి కనుఁగొని వేడఁగఁ దొడఁగేఁ గటకటా	॥ఇందు॥
శ్రీవేంకటాద్రిపై నుండి చేరి కన్ను లెదుటను సేవగొని యిట్టే కృపసేయఁగాను సోవలఁ గన్నవారెల్లాఁ జుట్టములంటా నేను జీవులతోఁ బొందుసేసేఁ జెల్లఁబో	॥ఇందు॥