ఆంధ్రభారతి - తాళ్లపాక అన్నమాచార్య కీర్తనలు - అది బ్రహ్మాండం బిది పిండాండం - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 363-5
సంపుటము: 4-373

తాళ్లపాక అన్నమాచార్య

రాగము: శ్రీరాగం

అది బ్రహ్మాండం బిది పిండాండం - బుదుటు జీవులము వున్నార మిదివో	॥పల్లవి॥
వుదయాస్తమయము లొనరినవలెనే నిదురలు మేల్కను నియమములు కదిసి త్రిసంధ్యాకాలంబులవలె గుదిగొను దేహికి గుణత్రయములు	॥అది॥
పుడమి నస్యములు పొదలినవలెనే వొడలిరోగము లున్న వివే వుడుగని వెలుపటి వుద్యోగమువలె కొడిసాగేటి మితి కోరికలు	॥అది॥
వెలుపలఁగల శ్రీ వేంకట విభుఁడే కలఁ డాతుమలో ఘనుఁ డితఁడే చలమున నీతని శరణాగతియే ఫలమును భాగ్యము బహుసంపదలు	॥అది॥