ఆంధ్రభారతి - తాళ్లపాక అన్నమాచార్య కీర్తనలు - ఏమి సేయవచ్చు హరి యెలయించే మాయ లివి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 363-6
సంపుటము: 4-374

తాళ్లపాక అన్నమాచార్య

రాగము: గుజ్జరి

ఏమి సేయవచ్చు హరి యెలయించే మాయ లివి వేమరు నాతనిఁ గొల్చి వీడుకొంట గాక	॥పల్లవి॥
పాయమే పరచైతేఁ బట్టఁగ నెట్లవచ్చు రోయుదాఁకా నందులోఁ దిరుగుటగాక కాయపువోడ తప్పుగాలి విసరినవేళ పోయినట్టే పోనిచ్చి పొనుఁగుటగాక	॥ఏమి॥
మనసే మలినమైతే మఱుఁగెట్టు సేయవచ్చు వొనర విరతిదాఁక నోర్చుటగాక తన యంతరంగపుటద్దము మాసితే నది మినుకు విజ్ఞానాన మెరుఁగిచ్చుటగాక	॥ఏమి॥
మెచ్చునాలుకఁదీపు మింగ కెట్టుమానవచ్చు కొచ్చి కొచ్చి సారె రుచిగొనుటగాక నచ్చుల శ్రీ వేంకటేశు నామము నోరనుంటే పచ్చి తనభాగ్యమంటా బ్రదుకుటగాక	॥ఏమి॥