[1]సడిబెట్టెఁ గటకటా సంసారము | చూడ- జడధి లోపలి యీఁత సంసారము	॥సడి॥
జము నోరిలో బ్రదుకు సంసారము | చూడ చమురు దీసిన దివ్వె సంసారము సమయించుఁ బెనుదెవులు సంసారము చూడ సమరంబులో నునికి సంసారము	॥సడి॥
సందిగట్టిన తాడు సంసారము చూడ సందికంతల తోవ సంసారము చుందురుని జీవనము సంసారము చూడ[2] చంద మేవలెనుండు సంసారము	॥సడి॥
చలువలోపలి వేఁడి సంసారము చూడ జలపూఁత బంగారు సంసారము యిలలోనఁ దిరువేంకటేశ నీదాసులకు చలువలకుఁ గడుఁ జలువ సంసారము	॥సడి॥

---

^[1] ఈ పాటకు రేకులో ప్రగ్రహమునకు గుర్తు సరిగా చూపలేదు.

^[2] నిడురేకు 80- గాక.