ఆంధ్రభారతి - తాళ్లపాక అన్నమాచార్య కీర్తనలు - ఇతరమెరఁగ గతి యిదియె శరణ్యము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 364-2
సంపుటము: 4-376

తాళ్లపాక అన్నమాచార్య

రాగము: లలిత

ఇతరమెరఁగ గతి యిదియె శరణ్యము సతతపూర్ణునికి శరణ్యము	॥పల్లవి॥
సర్వలోకముల సాక్షైకాచిన - సర్వేశ్వరునకు శరణ్యము వుర్వికి మింటికి నొక్కటఁ బెరిగిన - సార్వభౌమునకు శరణ్యము	॥ఇతర॥
శ్రీకాంత నురముచెంగట నిలిపిన - సాకారునకును శరణ్యము పైకొని వెలిఁగేటి పరంజోతియై - సౌకుమారునకు శరణ్యము	॥ఇతర॥
తగనిహపరములు దాసుల కొసఁగేటి జగదీశ్వరునకు శరణ్యము నగు శ్రీ వేంకటనాథుఁడ నీకును సగుణమూర్తి యిదె శరణ్యము	॥ఇతర॥