ఆంధ్రభారతి - తాళ్లపాక అన్నమాచార్య కీర్తనలు - ముట్టితేనే మూయైఁ బట్టితేనే పంతమయీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 365-2
సంపుటము: 4-382

తాళ్లపాక అన్నమాచార్య

రాగము: మంగళకౌశిక

ముట్టితేనే మూయైఁ బట్టితేనే పంతమయీ ఇట్టె మమ్ముఁ గావవే యిందిరారమణ	॥పల్లవి॥
తీరుగాఁ బుణ్యముసేసితే జన్మబంధమై తోరపు నాపాపములైతే దుఃఖమైని వూరకుంటే నీప్రపంచ ముల్లంఘించినట్లై యేరీతి నడచువార మిందిరారమణ	॥ముట్టి॥
అంకె దయఁ దలఁచితే నన్నిటికిఁ దగులై కొంకక కోపంచితేనే క్రూరమ్మైని మంకున నూరకవుంటే మదోన్మత్తుఁడై యింకనేమి సేయువార మిందిరారమణ	॥ముట్టి॥
యిన్ని చిక్కులునేల యిట్టె శ్రీ వేంకటేశ మిన్నక నీశరణంటే మేలైని వెన్నెల నీయర్థమే వేదశాస్త్రసమ్మతై యెన్న నీవే సేయువాఁడ విందిరారమణ	॥ముట్టి॥