ఆంధ్రభారతి - తాళ్లపాక అన్నమాచార్య కీర్తనలు - ఎప్పు డేబుద్ధి వుట్టునో యెరఁగరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 365-3
సంపుటము: 4-383

తాళ్లపాక అన్నమాచార్య

రాగము: శంకరాభరణం

ఎప్పు డేబుద్ధి వుట్టునో యెరఁగరాదు దెప్పరపు మా బ్రదుకు దేవునికే సెలవు	॥పల్లవి॥
యేడనుండి పుట్టితిమో యింతక తొల్లి యింక - నేడకు బోయెదమో యిటమీఁదను వీడని మాయంతరాత్మ విష్ణుఁడు మా - జాడ జన్మమతనికే సమర్పణము	॥ఎప్పు॥
గతచన్న పితరు లక్కడ నెవ్వరో హితవై యిప్పటి పుత్రు లిదియెవ్వరో మతి మాజీవనమెల్ల మాధవుఁడు అతనికే మాభోగాలన్నియు సమర్పణము	॥ఎప్పు॥
తొడికి స్వర్గాదులు తొల్లియాడవో యీ - నడచే ప్రపంచము నాకేడదో కడఁగి శ్రీ వేంకటేశు గతియే మాది అడఁగు మా పుణ్యపాపా లతని కర్పణము	॥ఎప్పు॥