ఆంధ్రభారతి - తాళ్లపాక అన్నమాచార్య కీర్తనలు - ఇదియే సాధన మిహపరములకును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 365-4
సంపుటము: 4-384

తాళ్లపాక అన్నమాచార్య

రాగము: మలహరి

ఇదియే సాధన మిహపరములకును పదిలము మాపాలి పరమవు నామం	॥పల్లవి॥
కలి దోష హరము కైవల్యకరము అలరిన మా శ్రీ హరి నామం సులభము సౌఖ్యము శోభన తిలకము పలుమారును శ్రీ పతి నామం	॥ఇది॥
పాప నాశనము బంధ విమోక్షము పైపై నిది భూపతి నామం స్థాపితధన మిది సర్వరక్షకము దాఁపి రమిది మాధవ నామం	॥ఇది॥
నేమము దీమము నిత్యకర్మమిది దోమటి గోవిందుని నామం హేమము శరణము యిన్నిట మాకును యే మేర శ్రీ వేంకటేశ్వరు నామం	॥ఇది॥