ఆంధ్రభారతి - తాళ్లపాక అన్నమాచార్య కీర్తనలు - సామాన్యమా పూర్వసంగ్రహంబగు ఫలము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 32-6
సంపుటము: 1-200

తాళ్లపాక అన్నమాచార్య

రాగము: ధన్నాసి

సామాన్యమా పూర్వసంగ్రహంబగు ఫలము నేమమున బెనగొనియె నేఁడు నీవనక	॥సామాన్య॥
జగతిఁ బ్రాణులకెల్ల సంసారబంధంబు తగుల బంధించు దురితంపుఁ గర్మమున మగుడ మారుకుమారు మగువ నీవురముపై తెగి కట్టి రెవ్వరో దేవుండవనక	॥సామాన్య॥
పనిలేక జీవులను భవసాగరంబులో మునుఁగ లేవఁగఁ జేయు మోహదోషమున పనిపూని జలధిలోఁ బండఁబెట్టిరి నిన్ను వెనకెవ్వరో మొదలివేలుపనక	॥సామాన్య॥
వుండనియ్యక జీవనోపాయమున మమ్ము కొండలను గొబల తతిగొని తిప్పుఫలము కొండలను నెలకొన్న కోనేటిపతివనఁగ నుండవలసెను నీకు నోపలేననక	॥సామాన్య॥