ఆంధ్రభారతి - తాళ్లపాక అన్నమాచార్య కీర్తనలు - సందడి సొమ్ములతోడి సాకారమిదె వీఁడె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 365-6
సంపుటము: 4-386

తాళ్లపాక అన్నమాచార్య

రాగము: భైరవి

సందడి సొమ్ములతోడి సాకారమిదె వీఁడె యిందరు వర్ణించరే యీ రూపము	॥పల్లవి॥
చుక్కలతో నాకాశము సూటై నిలువఁబోలు నిక్కి రత్నాలజలధినీటు గాఁబోలు మిక్కిలి నానావర్ణ మేఘపంక్తి గాఁబోలు యిక్కడనే నిలుచున్న దీరూపము	॥సంద॥
నించిన పంచవన్నెల నీలగిరి గాఁబోలు అంచల సంధ్యాకాల మది గాఁబోలు చించ కాతని మెరుఁగుల చీఁకటిది గాఁబోలు యెంచఁగ నలవిగాదు యీ రూపము	॥సంద॥
పున్నమ సమాసయు పోగై నిలువఁబోలు వున్నతి యోగీంద్రుల యూహ గాఁబోలు పన్నిన బ్రహ్మాండాల భరణిది గాఁబోలు యిన్నిట శ్రీ వేంకటేశు యీ రూపము	॥సంద॥