ఆంధ్రభారతి - తాళ్లపాక అన్నమాచార్య కీర్తనలు - నారాయణ నీ నామమె గతి యిఁక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 366-2
సంపుటము: 4-388

తాళ్లపాక అన్నమాచార్య

రాగము: లలిత

నారాయణ నీ నామమె గతి యిఁక కోరికలు నాకుఁ గొనసాగుటకు	॥పల్లవి॥
పై పై ముందట భవ జలధి దాపు వెనకఁ జింతా జలధి చాపలము నడుమ సంసార జలధి తేప యేది యివి తెగనీఁదుటకు	॥నారా॥
పండె నెడమఁ బాపపు రాశి అండఁ గుడిని పుణ్యపురాశి కొండను నడుమఁ ద్రిగుణరాశి - యివి నిండఁ గుడుచుటకు నిలుకడ యేది	॥నారా॥
కింది లోకములు కీడునరకములు అందేటి స్వర్గాలవె మీఁద చెంది యంతరాత్మ శ్రీ వేంకటేశ నీ - యందె పరమపద మవల మరేది	॥నారా॥