ఆంధ్రభారతి - తాళ్లపాక అన్నమాచార్య కీర్తనలు - కర్మ మెంత మర్మ మెంత కలిగిన కాలమందు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 366-3
సంపుటము: 4-389

తాళ్లపాక అన్నమాచార్య

రాగము: కాంబోది

కర్మ మెంత మర్మ మెంత కలిగిన కాలమందు ధర్మ మిది యేమరక తలఁచవో మనసా	॥పల్లవి॥
చెలువల పొంతనుంటే చిత్తమే చెదురుఁగాని కలుగనేర దెంతైనా ఘన విరతి వులుక కగ్గి పొంతనుంటేఁ గాఁకలేకాక చలువ గలుగునా సంసారులకును	॥కర్మ॥
బంగారువోడ గంటేఁ బట్టనాస వుట్టుఁగాని సంగతి విజ్ఞానపు జాడకు రాదు వెంగలి యభిని దింటే వెఱి వెఱాటాడుఁగాక అంగవించునా వివేక మప్పుడే లోకులకు	॥కర్మ॥
శ్రీ వేంకటేశు భక్తి చేరితే సౌఖ్యముగాని ఆవల నంటవు పాపా లతి దుఃఖాలు చేవ నమృతము గొంటే చిరజీవియగుఁగాని చావులేదు నోవులేదు సర్వజ్ఞులకును	॥కర్మ॥