ఆంధ్రభారతి - తాళ్లపాక అన్నమాచార్య కీర్తనలు - ఒకరి బుద్ధులు వేరొకరి పనికి రావు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 366-4
సంపుటము: 4-390

తాళ్లపాక అన్నమాచార్య

రాగము: సామంతం

ఒకరి బుద్ధులు వేరొకరి పనికి రావు అకలంకుఁ డింతటికి నంతర్యామి	॥పల్లవి॥
పొడమించు నాతఁడే పొదలించు నాతఁడే నొడిగించు నాతఁడే నోరఁగొలఁది గడియించు నాతఁడే కడలేని సిరులెల్ల అడియాలమగులోని యంతర్యామి	॥ఒకరి॥
మతి యిచ్చు నాతఁడే మరపించు నాతఁడే గతియౌ నాతఁడే కరుణానిధి వెతమాన్పు నాతఁడే వెలయించు నాతఁడే అతిశయమగులోని యంతర్యామి	॥ఒకరి॥
యిహమిచ్చు నాతఁడే యెదురెదురనే వచ్చి సహజపుఁ బరమిచ్చు సరి నాతఁడే విహగ గమనుఁడు శ్రీ వేంకటేశుఁ డితఁడే అహరహమాదరించు నంతర్యామి	॥ఒకరి॥