ఆంధ్రభారతి - తాళ్లపాక అన్నమాచార్య కీర్తనలు - పనిలేదేమియు నాకు పంపుడు నీబంట నింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 367-4
సంపుటము: 4-396

తాళ్లపాక అన్నమాచార్య

రాగము: లలిత

పనిలేదేమియు నాకు పంపుడు నీబంట నింతే యెనపిన తెడ్డు చౌ లెరుఁగునటవయ్యా	॥పల్లవి॥
మనసు నీ విచ్చితివి మాఁటలు నీ విచ్చితివి తనువు నీ విచ్చితివి యంతర్యామీ చెనసి నీదువల్లఁ జేసేకర్మపు బంట నినుపుఁగణఁజాల నించుకొనవయ్యా	॥పని॥
సత్తున నీ విచ్చితివి చలము నీ విచ్చితివి తత్తర మిచ్చితివి యంతర్యామి యిత్తల నావల నీవు యెందుకైనఁ బెరరేఁచి యెత్తుక యేమైన గడియించుకొనవయ్యా	॥పని॥
మాయలు నీ విచ్చితివి మదము నీ విచ్చితివి ఆయపు శ్రీ వేంకటాద్రి యంతర్యామి యేయెడ నేఁ జేసేటి యిన్నెపరాధాలు వేయయిన నీ వెనక వేసుకొనవయ్యా	॥పని॥