ఆంధ్రభారతి - తాళ్లపాక అన్నమాచార్య కీర్తనలు - నిచ్చలూ లోకము చూచి నివ్వెరగయ్యీ నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 367-5
సంపుటము: 4-397

తాళ్లపాక అన్నమాచార్య

రాగము: బౌళి

నిచ్చలూ లోకము చూచి నివ్వెరగయ్యీ నాకు చెచ్చెర శ్రీ హరి నీ చిత్తము నా భాగ్యము	॥పల్లవి॥
జీవ మతిసూక్ష్మము చిత్తము చంచలము భావము నిరాకారము భవమెల్ల నెయ్యము యే విధులఁ బొరలెనో యిది నాబ్రదుకు దేవుఁడ నీచిత్తము నాతేఁకువైన భాగ్యము	॥నిచ్చ॥
వూరుపెల్ల గాలి నా వుపమెల్ల మాయ కూరిమెల్ల మొరఁగు నా గుణము విచారము నేరుపేదో నేరమేదో నిజము దెలియదు శ్రీ రమణుఁడవు నీ చిత్తము నా భాగ్యము	॥నిచ్చ॥
కాలము పారేటిదాడి కాయము తూంట్లబొంత ఆలరి శ్రీ వేంకటేశ యది నీచేఁత యేలాగు లెరఁగను యిటు నీ శరణనుటే శీలము నాకు నీ చిత్తము నా భాగ్యము	॥నిచ్చ॥