ఆంధ్రభారతి - తాళ్లపాక అన్నమాచార్య కీర్తనలు - అమ్మే దొకటియును (యని?) యసిమలో దొకటి యని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 367-6
సంపుటము: 4-398

తాళ్లపాక అన్నమాచార్య

రాగము: పాడి

అమ్మే దొకటియును (యని?) యసిమలో దొకటి యని కమ్ముకొని నీ యందే కలిగె నీ మాఁట	॥పల్లవి॥
సరవితో నిను నుపనిషద్వాక్యములయందు పురుషోత్తముడవనుచుఁ బొగడఁగాను అరిది నారాయణివియై యమృత మొసఁగుచో అరయ శ్రుతిదె విరోధంబాయ నీమాఁట	॥అమ్మే॥
తలపోయ ధర్మసంస్థాపనుఁడవని నిన్ను చెలరేఁగి శాస్త్రములు చెప్పఁగాను తలఁక కిటు గోప పరదారగమనము నీవు యిలఁ జేయ శాస్త్రవిరహితమాయ నీమాఁట	॥అమ్మే॥
వైకుంఠపతి వనుచు వడిఁ బురాణములెల్ల యేకమొకటే వశియించఁగాను యీకడ శ్రీ వేంకటేశ్వరుఁడవైతి విదె చేకొలఁది నిటు నీకె చెల్లు నీమాఁట	॥అమ్మే॥