ఆంధ్రభారతి - తాళ్లపాక అన్నమాచార్య కీర్తనలు - హరి నీకే శరణని గెలుచుట గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 368-3
సంపుటము: 4-401

తాళ్లపాక అన్నమాచార్య

రాగము: గుండక్రియ

హరి నీకే శరణని గెలుచుట గాక యిరవుగ నెరఁగఁగ నెవ్వరి తరము	॥పల్లవి॥
తను వికారములు తరవులు వెట్టిన కొనయెరుకైనా కొరతవడు మనసు వికారము మమతలఁ దగిలిన యెనసి యెదురుపడ నెవ్వరి తరము	॥హరి॥
కంతు వికారము కన్నులఁగప్పిన పంతపు విరతియు బయలౌను చింతాలహరులు చీఁదర రేఁగిన యింతయు వీడ్కొన వెవ్వరితరము	॥హరి॥
అతిగుణవికార మాసలఁ బెట్టిన సతతయోగములు జడనుపడు మతి శ్రీ వేంకటపతి నిన్నుఁ గొలిచిన యితరము దగ్గర నెవ్వరితరము	॥హరి॥