ఆంధ్రభారతి - తాళ్లపాక అన్నమాచార్య కీర్తనలు - నారాయణ నిను నమ్మిన నాకును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 368-4
సంపుటము: 4-402

తాళ్లపాక అన్నమాచార్య

రాగము: మాళవిగౌళ

నారాయణ నిను నమ్మిన నాకును మేరతో నీపాదమే గతి గలిగె	॥పల్లవి॥
చింతా జలధులఁ జిక్కిన దాఁటించ- నంతట నీ పాద మదె తేప కాంతల మోహపు కట్లు దెంచఁగ పంతపు నీ పాద పరశువు గలిగె	॥నారా॥
అతిదురితపంక మందినఁ గడుగఁగ మితి నీ పాదమే మిన్నేరు రతిఁ గర్మజ్ఞులు రాఁజిన నార్చఁగ వ్రతము నీపాదమే వానయై నిలిచె	॥నారా॥
జిగి నజ్ఞానపు చీఁకటి వాయఁగ తగు నీ పాదము దయపు రవి నగు శ్రీ వేంకటనాథ నన్నేలఁగ మిగులఁగ నీ పాదమే శరణంబు	॥నారా॥