ఆంధ్రభారతి - తాళ్లపాక అన్నమాచార్య కీర్తనలు - ఎఱఁగఁడు పరసుఖ మీశ్వర నీ మాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 369-1
సంపుటము: 4-404

తాళ్లపాక అన్నమాచార్య

రాగము: గుండక్రియ

ఎఱఁగఁడు పరసుఖ మీశ్వర నీ మాయ నెఱి విచారముల నెగడిన దాఁక	॥పల్లవి॥
అతిహేయములో నడరు వరాహము అతిహేయము సుఖమని తలఁచు మతి సంసారంబే మరగిన యాతుమ పతిలేని దిదే పరమని తెలియు	॥ఎఱగ॥
పొరి విషయములోనఁ బొడమిన కీటము అరిది విషమ తీపని తినును పరగ యోని సంభవమగు దేహాతుమ పెరిగి యందుకే ప్రియపడును	॥ఎఱగ॥
యింతేసి నిన్నియు నెరఁగిన యీయాతుమ అంతరాత్మ నీవని తలఁచి యింతట శ్రీ వేంకటేశ్వర నిన్నే రంతుల శరణనె రక్షించవే	॥ఎఱగ॥