ఆంధ్రభారతి - తాళ్లపాక అన్నమాచార్య కీర్తనలు - ఇవియే పో ప్రద్యుమ్న యిహపరసాధనము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 369-2
సంపుటము: 4-405

తాళ్లపాక అన్నమాచార్య

రాగము: భూపాళం

ఇవియే పో ప్రద్యుమ్న యిహపరసాధనము భవజలధుల తేప పరమయోగులకు	॥పల్లవి॥
వామన గోవింద విష్ణు వాసుదేవ హరి కృష్ణ దామోదరాచ్యుత మాధవ శ్రీధరా నీమహిమ గానలేము నిన్నెంచఁగలేము నీ - నామజపమే చాలు నాలుక సులభము	॥ఇవి॥
అనిరుద్ధ పురుషోత్తమాధోక్షజ ఉపేంద్ర జనార్ధన కేశవ సంకర్షణా నినుఁ దలఁచఁగ లేము నిన్నుఁ దెలియఁగ లేము నునుపై నీనామమే నోటికి సులభము	॥ఇవి॥
నారాయణ పద్మనాభ హృషీకేశ నారసింహ మధుసూదన త్రివిక్రమ నీరూపు భావించలేము నిక్కపు శ్రీ వేంకటేశ ఆరయ నీనామజప మన్నిటా సులభము	॥ఇవి॥