ఆంధ్రభారతి - తాళ్లపాక అన్నమాచార్య కీర్తనలు - కన్ను లెదుటిదే ఘనవైకుంఠము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 369-3
సంపుటము: 4-406

తాళ్లపాక అన్నమాచార్య

రాగము: లలిత

కన్ను లెదుటిదే ఘనవైకుంఠము వెన్నుని గొలిచిన విజ్ఞానికిని	॥పల్లవి॥
తలఁచినదెల్లాఁ దత్వ రహస్యమే తెలిసిన యోగికి దినదినము పలికినవెల్లా పరమ మంత్రములె ఫలియించిన హరి భక్తునికి	॥కన్ను॥
పట్టినదెల్లా బ్రహ్మాత్మకమే పుట్టుగు గెలిచిన పుణ్యునికి మెట్టినదెల్లా మిన్నేటినిధులే ఱట్టడితెగువ మెఱయు వానికిని	॥కన్ను॥
వినినవియల్లా వేదాంతములే ఘనుఁడగు శరణాగతునికిని యెనసిన శ్రీ వేంకటేశుఁడే యింతా కొనకెక్కిన నిజ కోవిదునికిని	॥కన్ను॥