ఆంధ్రభారతి - తాళ్లపాక అన్నమాచార్య కీర్తనలు - అడియ నడియనయ్య యఖిలలోకైకనాథ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 371-1
సంపుటము: 4-416

తాళ్లపాక అన్నమాచార్య

రాగము: బౌళి

అడియ నడియనయ్య యఖిలలోకైకనాథ తడతాఁకుల తాపత్రయము మానుపుటకు	॥పల్లవి॥
శరణు శరణు వోసర్వేశ్వర నీకు మరణభయములెల్ల మానుపుటకొఱకు మొరయొ మొరయొ నీకు ముకుంద మాధవ దురితములిన్నియుఁ దొలఁగించుటకు	॥అడియు॥
దండము దండము నీకు దైవశిఖామణి పండియుఁ బండని మతి పాకముసేయు కొరకు అండనే దాస్యము దాస్యము నీకు నేనైతి నిండు నీకరుణ నాపై నించేటి కొరకు	॥అడియ॥
అభయ మభయము శ్రీయాదినారాయణ వుభయకర్మము నాకు నూడుచుట కొరకు విభుఁడ శ్రీ వేంకటేశ వినుతి సేసెద నిన్ను శుభములన్నియు మాకుఁ జూపేటి కొరకు	॥అడియ॥