ఆంధ్రభారతి - తాళ్లపాక అన్నమాచార్య కీర్తనలు - ఇన్నివిధాలు యిఁకనేల ప్ర - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 372-2
సంపుటము: 4-423

తాళ్లపాక అన్నమాచార్య

రాగము: సామంతం

ఇన్నివిధాలు యిఁకనేల ప్ర - పన్నుఁడై మీఁద బహువిధులేలా	॥పల్లవి॥
సతతభూతదయ సత్యవాక్యము గలితే కుతిలపు ధర్మాలగొడవలేలా ప్రతిలేనివిజ్ఞానభావశుద్ధి గలిగితే మతకపుఁ గర్మాలు మరియేలా	॥ఇన్ని॥
పొందుగ నిన్నిటను సమబుద్ధి నిలిచితేను సందడిలోఁ దీర్థాచరణలేలా నిందమాని యాసమాని నిర్మలచిత్తులయితే వందడైన వుపవాస వ్రతము లేలా	॥ఇన్ని॥
శ్రీ వేంకటపతి చింతనము గలిగితే పావనపు శాస్త్రాల పఠనలేలా ఆవల నీతని దాసులందుఁ బ్రేమ గలిగితే కావరపుటితర సంగతులేలా	॥ఇన్ని॥