ఆంధ్రభారతి - తాళ్లపాక అన్నమాచార్య కీర్తనలు - శ్రీపతి నీ కెదురుచూచే నాకు నిట్లనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 372-6
సంపుటము: 4-427

తాళ్లపాక అన్నమాచార్య

రాగము: వరాళి

శ్రీపతి నీ కెదురుచూచే నాకు నిట్లనే దాపై నేఁడిపుడె ప్రత్యక్షము గావే	॥పల్లవి॥
పదునాలుగేండ్లును బాసి నీ కెదురుచూచే యదన గుహునికిఁ బ్రత్యక్షమైతివి కదిసి నీ శరణంటే కరి రాజు నెదుటను అదివో తొల్లియుఁ బ్రత్యక్షమైతివి	॥శ్రీపతి॥
ప్రక్కన నహల్య శాప విమోచనముగాఁగ అక్కర తోడుతను బ్రత్యక్షమైతివి చక్కఁగాఁ దపము సేసే శబరియెదుట నీవు అక్కడ నాఁ డందునుఁ బ్రత్యక్షమైతివి	॥శ్రీపతి॥
భావించినట్టు మతిఁ బరమ యోగులకెల్ల తావుకొని నిచ్చలుఁ బ్రత్యక్షమైతివి శ్రీ వేంకటేశ నిన్నుఁ జింతించు మాబోంట్లకు దైవమవై యిప్పుడే ప్రత్యక్షమైతివి	॥శ్రీపతి॥