ఆంధ్రభారతి - తాళ్లపాక అన్నమాచార్య కీర్తనలు - ఇందిరారమణుఁ దెచ్చి యియ్యరో మాకిటువలె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 373-3
సంపుటము: 4-430

తాళ్లపాక అన్నమాచార్య

రాగము: బౌళి

ఇందిరారమణుఁ దెచ్చి యియ్యరో మాకిటువలె పొంది యీతనిఁ బూజించ బొద్దాయ నిపుడు	॥పల్లవి॥
ధారుణి మైరావణు దండించి రాముఁదెచ్చి నేరుపుమించిన యంజనీతనయా ఘోరనాగపాశములఁ గొట్టివేసి యీతని కారుణ్యమందినట్టి ఖగరాజ గరుడా	॥ఇంది॥
నానాదేవతలకు నరసింహుఁ గంభములో పానిపట్టి చూపినట్టి ప్రహ్లాదుఁడా మానవుఁడై కృష్ణమహిమల విశ్వరూపు పూని బండినుంచుకొన్న పొటుబంట యర్జునా	॥ఇంది॥
శ్రీ వల్లభునకు నశేషకైంకర్యముల శ్రీ వేంకటాద్రి వైన శేషమూరితీ కైవసమైన యట్టి కార్తవీర్యార్జునుఁడా యీ దేవుని నీవేళ నిట్టె తెచ్చి మాకు నియ్యరే	॥ఇంది॥