ఆంధ్రభారతి - తాళ్లపాక అన్నమాచార్య కీర్తనలు - స్వతంత్రుఁడవు నీవు సరిలేని దొరవు నే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 373-4
సంపుటము: 4-431

తాళ్లపాక అన్నమాచార్య

రాగము: తోడి

స్వతంత్రుఁడవు నీవు సరిలేని దొరవు నే - నతికమై యాడినట్లు ఆడఁబోయేవా	॥పల్లవి॥
యెంత నీ మనసును యెట్టుండె నట్లనే అంతయుఁ జేయవయ్య మాకదే చాలు అంతకంటే నెక్కుడు నేమంటిమివో యటమీఁదఁ జెంతల మా చెప్పినట్టు సేయఁబోయేవా	॥స్వతం॥
కమ్మి నీవు మునుప సంకల్పించినట్లనే కిమ్ముల నా రీతిఁ జిత్తగించవయ్య అమ్మరో నేమందుకుఁ గాదనినను నీవు సమ్మతించి మాతలఁపు సాగనిచ్చేవా	॥స్వతం॥
పొంచీదేహమున మమ్ముఁ బుట్టించినట్లనే పెంచి నీపై భక్తిమాకుఁ బెనచవయ్య నించిన శ్రీవేంకటేశ నేనే పదరితిఁగాక మంచితనములు నీవు మానఁబోయేవా	॥స్వతం॥