ఆంధ్రభారతి - తాళ్లపాక అన్నమాచార్య కీర్తనలు - కూడుదు రూరకె వొకచో గుమి విత్తురు వేరొకచో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 374-2
సంపుటము: 4-433

తాళ్లపాక అన్నమాచార్య

రాగము: గుజ్జరి

కూడుదు రూరకె వొకచో గుమి విత్తురు వేరొకచో యేడకొ తెరువులు నడతురు యేఁటిదో హరిమాయ	॥పల్లవి॥
కొందరు జీవులు పురుషులు కొందరు కాంతలు కొందరు గొందరు నానాకువలయజంతువులు యిందరుఁగూడుక భువిలో నేమోయేమో చేసెద - రెందును నేమియుఁ గానరు యిట్టిది హరిమాయ	॥కూడు॥
జననంబులు మరణంబులు జమునుదయాస్త మయంబులు జనులివిగనుచునె కనకము సరినార్జింపుదురు పొనుగుచు నిలిచినదేదో పోయినదేదో కానము యెనగొని వెరగయ్యీనిదె యిట్టిది హరిమాయ	॥కూడు॥
జీవులకీ బ్రహ్మాండము చీమలపుట్ట విధంబున కావరమిటు గప్పున్నది కాలత్రయములను తావుల శ్రీవేంకటపతి దాసులు చొరకిటు నవ్వఁగ యీవల నావలఁ బొదిగీ నిట్టిది హరిమాయ	॥కూడ॥