ఆంధ్రభారతి - తాళ్లపాక అన్నమాచార్య కీర్తనలు - హరి నీవే సర్వాత్మకుఁడవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 375-5
సంపుటము: 4-441

తాళ్లపాక అన్నమాచార్య

రాగము: దేశి

హరి నీవే సర్వాత్మకుఁడవు యిరవగు భావన యియ్యఁగదే	॥పల్లవి॥
చూడక మానవు చూచేటి కన్నులు యేడనేవైనా యితరములు నీడల నింతా నీ రూపములని యీడువడని తెలి వియ్యఁగదే	॥హరి॥
పారక మానదు పాపపు మన సిది యీరసములతో నెందైనా నీరజాక్ష యిది నీమయమేయని యీరీతుల తలఁ పియ్యఁ గదే	॥హరి॥
కలుగక మానవు కాయపు సుఖములు యిల లోపలఁ గల వెన్నైనా అలరిన శ్రీ వేంకటాధిప నీకే యిలనర్పితమను యిహ మియ్యఁగదే	॥హరి॥