ఆంధ్రభారతి - తాళ్లపాక అన్నమాచార్య కీర్తనలు - కదిసి యాతఁడు మమ్ముఁ గాచుఁగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 376-4
సంపుటము: 4-445

తాళ్లపాక అన్నమాచార్య

రాగము: శంకరాభరణం

కదిసి యాతఁడు మమ్ముఁ గాచుఁగాక అదె యాతనికె శరణంటే నంటి నేను	॥పల్లవి॥
యెవ్వని వుదరమున నిన్నిలోకములుండు యెవ్వని పాదము మోచె నిల యలను యెవ్వఁడు రక్షకుఁ డాయ నీ జంతుకోట్లకు అవ్విభునికి శరణంటే నంటి నిప్పుడు	॥కదిసి॥
సభలో ద్రౌపదిఁ గాచె సర్వేశుఁ డెవ్వఁడు అభయహస్త మొసంగె నాతఁ డెవ్వఁడు ఇభవరదుఁ డెవ్వఁడు యీతనికే వొడిగట్టి అభినవముగ శరణంటే నంటి నిప్పుడు	॥కదిసి॥
శరణుచొచ్చిన విభీషణుఁ గాచె నెవ్వఁడు అరిది యజునితండ్రి యాతఁ డెవ్వఁడు యిరవై శ్రీ వేంకటాద్రి యెక్కి నాతఁ డితఁడే ఆరసి యితనికే శరణంటే నంటి నిప్పుడు	॥కదిసి॥