ఆంధ్రభారతి - తాళ్లపాక అన్నమాచార్య కీర్తనలు - పట్టిన వ్రతము నీవే పరిపాలింతువు గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 378-1
సంపుటము: 4-453

తాళ్లపాక అన్నమాచార్య

రాగము: ముఖారి

పట్టిన వ్రతము నీవే పరిపాలింతువు గాక బట్టి బయలింతే నేను బలిమున్నదా	॥పల్లవి॥
దేవ నీవు మనసు సోదించఁగా నే ధీరుఁడనై ఆవలఁ జలించకుండే యంతవాఁడనా పూవు వంటి చిత్త మింతే పొల్లువంటికాయ మింతే భావించ నిందులఁ బస వున్నదా	॥పట్టిన॥
అంతరాత్మవై నీవు యటు మరఁగులుసేయ- నంతనె నినుఁ దెలిసే యంతవాఁడనా గంతివంటిగుణ మింతే గాలివంటిప్రాణ మింతే యింతరట్టుసేయ నిందు నెడమున్నదా	॥పట్టిన॥
మచ్చిక శ్రీ వేంకటేశ మాట నీవై యుండఁగాను అచ్చపు నిన్ను నుతించే యంతవాఁడనా గచ్చువంటియిహ మింతే గనివంటి పర మింతే ముచ్చట కిందుకుఁ దుద మొద లున్నదా	॥పట్టిన॥