ఆంధ్రభారతి - తాళ్లపాక అన్నమాచార్య కీర్తనలు - నరసింహ రామకృష్ణ నమో శ్రీ వేంకటేశ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 378-2
సంపుటము: 4-454

తాళ్లపాక అన్నమాచార్య

రాగము: పాడి

నరసింహ రామకృష్ణ నమో శ్రీ వేంకటేశ సరుగ నా శత్రుల సంహరించవే	॥పల్లవి॥
బావ తిట్లకు శిశుపాలునిఁ జంపిన- యేవ కోపకాఁడవు నేఁ డెందు వోతివి నీవాఁడనని నన్ను నిందించి శత్రువును చావఁగొట్టి వానినిట్టే సంహరించవే	॥నర॥
దాసుని భంగించేటి తరిఁ గస్యఁపుఁ జంపిన యీసు కోపకాఁడ విపు డెందువోతివి మేసుల నీలాంఛనాలు మించి నన్ను దూషించే సాసించి శత్రువును సంహరింపవే	॥నర॥
కల్లలాడి గూబయిల్లు గైకొన్న గద్దఁజంపిన యెల్లగాఁగఁ గోపకాఁడ వెందువోతివి యిల్లిదె శ్రీ వేంకటేశ యీ నీ మీఁదిపాటలు జల్లన దూషించు శత్రువు సంహరింపవే	॥నర॥