ఆంధ్రభారతి - తాళ్లపాక అన్నమాచార్య కీర్తనలు - పుట్టఁగా బుట్టిన నా భోగపుటాస - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 378-4
సంపుటము: 4-456

తాళ్లపాక అన్నమాచార్య

రాగము: బౌళి

పుట్టఁగా బుట్టిన నా భోగపుటాస పట్టి యేమి గట్టుకొంటి బదుకవో యాసా	॥పల్లవి॥
వూరు దిప్పినట్టి యాస వుగముదిప్పిన యాస చేరవచ్చి దైన్యమందించిన యాస భారపెట్టి దేహమెల్లా బడిలించిన యాస పారి మమ్మేఁచితి వింత బదుకవో యాసా	॥పుట్ట॥
నాలుక రుచుల యాస నాతులకాఁకల యాస కాలకాసుకైన బొంకు గరుపే యాస వోలిఁ బుణ్య తపమెల్ల వొరులకమ్మించు నాస పాలుమాలించితి వింక బదుకవో యాసా	॥పుట్ట॥
కిందుపరచేటి యాస గేలిసేయించేటి యాస పొందియట్టే సంతసానఁ బొదిపే యాస కందువ శ్రీ వేంకటేశుఁ గని శరణంటి నేను పందతనమొల్ల నింక బదుకవో యాసా	॥పుట్ట॥