ఆంధ్రభారతి - తాళ్లపాక అన్నమాచార్య కీర్తనలు - ఆ రూపమునకే హరి నేను మొక్కెదను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 378-5
సంపుటము: 4-457

తాళ్లపాక అన్నమాచార్య

రాగము: సామంతం

ఆ రూపమునకే హరి నేను మొక్కెదను చేరి విభీషణుని శరణాగతుఁడని చేకొని సరిఁ గాచితివి	॥పల్లవి॥
ఫాలలోచనుఁడు బ్రహ్మయు నింద్రుఁడు సోలి నగ్నియును సూర్యచంద్రులును నీలో నుండఁగ నెరిఁ గనెఁ గిరీటి మూల భూతి వగు మూర్తివి గాన	॥అరూ॥
అనంత శిరసుల ననంత పదముల- ననంత నయనము లనంత కరముల ఘన నీ రూపము గనుఁగొనెఁ గిరీటి అనంత మూరితి వన్నిటఁ గాన	॥అరూ॥
జగము లిన్నియును సకల మున్నీంద్రులు - నగు శ్రీ వేంకటనాథుఁడ నిన్నే పొగడఁగఁ గిరీటి పొడగనె నీ రూపు అగణిత మహిముఁడ వన్నిటఁగాన	॥ఆరూ॥