ఆంధ్రభారతి - తాళ్లపాక అన్నమాచార్య కీర్తనలు - ఎన్నఁడొకో సుజ్ఞానము యీ యాత్మకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 379-2
సంపుటము: 4-460

తాళ్లపాక అన్నమాచార్య

రాగము: బౌళి

ఎన్నఁడొకో సుజ్ఞానము యీ యాత్మకు కన్ను లెదిటివి చూచి కాలము నిట్టాయను	॥పల్లవి॥
హేయములో సుఖము యెంగిలిలో సుఖము కాయము నమ్మికదా కష్టపడెను పాయములో చవులు పాపములో చవులు మాయలు నమ్మికదా మనసూనిట్టాయను	॥ఎన్న॥
కల్లలోని బదుకు కాసు వీసపు బదుకు కల్లరి ప్రాణాలు నమ్మి కట్టుపడెను యెల్లి నేఁటి తలఁపు యింద్రియాల తలఁపు కొల్ల సంసారముఁగూడి గుణమునిట్టాయను	॥ఎన్న॥
అంగడిఁబెట్టే సిరులు యలయింపులో సిరులు దొంగజీవుఁడు యిట్లానే తొట్రుపడెను అంగపు శ్రీవేంకటేశుఁడంతలో మన్నించఁగాను ముంగిలెల్లా మోక్షమాయ ముచ్చటే యిట్టాయెను	॥ఎన్న॥