ఆంధ్రభారతి - తాళ్లపాక అన్నమాచార్య కీర్తనలు - ఏమిటివాఁడఁ గాను యిఁక నేను నా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 379-3
సంపుటము: 4-461

తాళ్లపాక అన్నమాచార్య

రాగము: లలిత

ఏమిటివాఁడఁ గాను యిఁక నేను నా - సామపుఁ గర్మము నీకే సమర్పయామి	॥పల్లవి॥
తలఁపులోపలనున్న తత్వము యిట్టె వెలినుండే నాపాలి విష్ణుమూర్తీ పలుకు లోపల నుండే పరమాత్ముఁడా నా చలమరి మతి నీకే సమర్పయామి	॥ఏమి॥
పుట్టుగులిచ్చినయట్టి పురుషోత్తమా తుద - ముట్టించు మోక్షపుమురమర్దనా గుట్టుతో నిహముచూపే గోవిందుఁడా నా జట్టి చైతన్యము నీకే సమర్పయామి	॥ఏమి॥
అరిదిభోగములిచ్చేయంతరాత్ముఁడా నాకు శరణమైనయట్టి సర్వేశ్వరా! వెరసి నన్నేలిన శ్రీ వేంకటేశుఁడా నా సరవులన్నియు నీకే సమర్పయామి	॥ఏమి॥