ఆంధ్రభారతి - తాళ్లపాక అన్నమాచార్య కీర్తనలు - ఒక్కఁడే యేకాంగవీరుఁ డుర్వికి దైవమౌనా (మైనాఁడు? ) - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 379-4
సంపుటము: 4-462

తాళ్లపాక అన్నమాచార్య

రాగము: పాడి

ఒక్కఁడే యేకాంగవీరుఁ డుర్వికి దైవమౌనా (మైనాఁడు? ) యెక్కడా హనుమంతుని కెదురా లోకము	॥పల్లవి॥
ముందట నేలేపట్టమునకు బ్రహ్మయినాఁడు అందరు దైత్యులఁ జంపి హరి పేరైనాఁడు అంది రుద్రవీర్యము దానై హరుఁడైనాఁడు యెందు నీ హనుమంతుని కెదురా లోకము	॥ఒక్క॥
చుక్కలు మోవఁ బెరిగి సూర్యుఁడు దానైనాఁడు చిక్కుఁ బాతాళము దూరి శేషుఁడైనాఁడు గక్కన వాయుజుఁడై జగత్ప్రాణుఁడై నాఁడు యెక్కువ హనుమంతుని కెదురా లోకము	॥ఒక్క॥
జలధిఁ బుటమెగసి చంద్రుఁడు దానైనాఁడు చెలఁగి మేరువుపొంత సింహమైనాఁడు బలిమి శ్రీ వేంకటేశు బంటై మంగాంబుధి - నిల యీ హనుమంతుని కెదురా లోకము	॥ఒక్క॥