ఆంధ్రభారతి - తాళ్లపాక అన్నమాచార్య కీర్తనలు - వారిధిశయన వో వటపత్రపరియంక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 380-2
సంపుటము: 4-465

తాళ్లపాక అన్నమాచార్య

రాగము: దేవగాంధారి

వారిధిశయన వో వటపత్రపరియంక గారవాన మేలుకొని కన్నులు దెరవవే	॥పల్లవి॥
ఘన యోగి హృదయపు కమలాలు వికసించె వొనర విజ్ఞాన సూర్యోదయమాయ మును జీవ పరమాత్మముల జక్కవలు గూసె వనజాక్ష మేలుకొని వాకిలి దెరవవే	॥వారిధి॥
కలుషముల నేటి చీఁకట్లెల్లఁ బెడఁబాసె నలువంక వేద కీరనాదము మ్రోసె అలరి యితర ధర్మాల నేటి చుక్కలు మాసె జలజాక్ష మేలుకొని సతి మోము చూడవే	॥వారిధి॥
కపట రాక్షస నేత్ర కలు హారములు మోడ్చె యిపుడే సుకర్మముల యెండలు గాసె అపురూప శ్రీ వేంకటాద్రీశ మేలుకొని నిపుణుఁడ యిందిరయు నీవు మమ్ముఁ గావనవే	॥వారధి॥