ఆంధ్రభారతి - తాళ్లపాక అన్నమాచార్య కీర్తనలు - కలశాపురముకాడ కందువ సేసుకొని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 380-4
సంపుటము: 4-467

తాళ్లపాక అన్నమాచార్య

రాగము: సామంతం

కలశాపురముకాడ కందువ సేసుకొని అలరుచునున్న పాఁడు హనుమంతరాయఁడు	॥పల్లవి॥
సహజాన నొక జంగ చాఁచి సముద్రము దాఁటె మహిమ మీరఁగ హనుమంతురాయఁడు యిహమున రాము బంటై యిప్పుడూ నున్నవాఁడు అహరహరమును దొడ్డ హనుమంత రాయఁడు	॥కల॥
నిండు నిధానపు లంక నిమిషాన నీరుసేసె మండిత మూరితి హనుమంత రాయఁడు దండితో మగిడివచ్చి తగ సీత శిరోమణి అండ రఘపతి కిచ్చె హనుమంతరాయఁడు	॥కల॥
వదలని ప్రతాపాన వాయుదేవు సుతుఁడై మదియించినాఁడు హనుమంత రాయఁడు చెదరక యే పొద్దు శ్రీ వేంకటేశు వాకిట- నదివో కాచుకున్నాఁడు హనుమంత రాయఁడు	॥కల॥