ఆంధ్రభారతి - తాళ్లపాక అన్నమాచార్య కీర్తనలు - వేవేల చందాలవాఁడు విఠలేశుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 380-5
సంపుటము: 4-468

తాళ్లపాక అన్నమాచార్య

రాగము: లలిత

వేవేల చందాలవాఁడు విఠలేశుఁడు భావించ నలవిగాని పరమాత్ముఁ డితఁడు	॥పల్లవి॥
సతతము రుక్మిణీ సత్యభామల నడుమ రతికెక్కిన సింగారరాయఁ డితఁడు చతురత సనకాది సంయమీంద్రులమతి- నతిశయిల్లేటి పరమానంద మితఁడు	॥వేవేల॥
దేవతల కెల్లాను దిక్కు దెసై వెలుఁగొంది తావుకొన్న యట్టి యాధార మీతఁడు మూవంక గొల్లెతలు మున్ను సేసిన తపము కైవశమై ఫలించిన ఘన భాగ్య మితఁడు	॥వేవేల॥
వరముతో యశోద వసు దేవాదులకు పరగిన కన్నులపండు గీతఁడు పిరులు మించినయట్టి శ్రీ వేంకటాద్రిమీఁది- నిరతి దాసుల పాలి నిధాన మితఁడు	॥వేవేల॥