ఆంధ్రభారతి - తాళ్లపాక అన్నమాచార్య కీర్తనలు - అరుదీ కపీంద్రుని యధికప్రతాపము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 381-1
సంపుటము: 4-470

తాళ్లపాక అన్నమాచార్య

రాగము: మాళవి

అరుదీ కపీంద్రుని యధికప్రతాపము సురలకు నరుల కీ సుద్దు లెందుఁ గలవా	॥పల్లవి॥
వుదయాచలము మీఁది నొక్కజంగ చాఁచుకొని వుదుటున నపరాద్రి నొక్కజంగ చాఁచుకొని తుద సూర్యమండలము తోడ మోము దిప్పుకొంటా పెదవులెత్తి చదివెఁ బెద్ద హనుమంతుఁడు	॥అరుదీ॥
వొక్క మొలగంట చంద్రు డొక్క మొలగంట రవి చుక్కలు మొలపూసలై చూపట్టఁగా నిక్కిన వాలాగ్రమందు నిండిన బ్రహ్మలోకము పిక్కటిల్లఁ బెరిగెను పెద్ద హనుమంతుఁడు	॥అరుదీ॥
పడికిలించిన చేత బిరుదుల పండ్ల గొల తడయక కుడి చేత దశ దిక్కుల జడియక శ్రీ వేంకటేశ్వరునిమన్ననబంటు బెడిదపు మహిమల పెద్ద హనుమంతుఁడు	॥అరుదీ॥