ఆంధ్రభారతి - తాళ్లపాక అన్నమాచార్య కీర్తనలు - చిత్తా అవధారు జియ్య పరా కెచ్చరికె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 381-3
సంపుటము: 4-472

తాళ్లపాక అన్నమాచార్య

రాగము: సాళంగనాట

చిత్తా అవధారు జియ్య పరా కెచ్చరికె హత్తి కానుక లిచ్చేరు అదె రాజరాజులు	॥పల్లవి॥
రామ రఘ కుల వీర రాజీవ లోచన కోమల శ్యామల వర్ణ కొలువు వేళ వామ దేవాది మునులు వారె, సుగ్రీవుఁడు వాఁడె వేమారును వానర వీరులు మొక్కేరు	॥చిత్తా॥
దేవ సీతాస మేత ధీర లోక నాయక భావించ నవధరించు పౌఁజువేళ పావని యల్లవాఁడె భల్లూకపతి వీఁడె సేవించీని భరతునిఁ జేకొను శత్రుఘ్నుని	॥చిత్తా॥
శ్రీమదయోధ్యా విహార శ్రీ వేంకటనివాస సామజ వాజి రథాల సందడివేళ సౌమిత్రి యీవంక విభీషణుఁడు నావలివంక నీ మహిమలెల్లా మెచ్చి నీకు విన్నవించేరు	॥చిత్తా॥