ఆంధ్రభారతి - తాళ్లపాక అన్నమాచార్య కీర్తనలు - హేయ మేమీలేదు జగమింతా రుచికరమే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 381-4
సంపుటము: 4-473

తాళ్లపాక అన్నమాచార్య

రాగము: గుజ్జరి

హేయ మేమీలేదు జగమింతా రుచికరమే మాయావికార మిది మనసెట్టి రోసును	॥పల్లవి॥
కాయధారణము లింపు కాంతలభోగము లింపు ఆయతమై వారివారి యాహారా లింపు సోయగపుఁ గన్నులను చూచేటి వేఁడుక లింపు చాయ మనసొడఁబడి సమ్మతించితేను	॥హేయ॥
పలుకులెల్లా నింపు భావములెల్లా నింపు చెలరేఁగి తమ తమ చేఁత లింపు జలమల సంగతుల సహజము లవి యింపు వొలిసి తమ మనసొడఁబడి తేను	॥హేయ॥
తగిన జన్మము లింపు తమ చక్కఁదనా లింపు జగతి వారికి వారి జాతు లింపు నిగిడి శ్రీ వేంకటేశ నీ మహిమలే యివి వొగరు లేక మనసొడఁబడి వుంటేను	॥హేయ॥