ఆంధ్రభారతి - తాళ్లపాక అన్నమాచార్య కీర్తనలు - చెప్పితే నాశ్చర్యము సేసినచేఁత లితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 382-2
సంపుటము: 4-477

తాళ్లపాక అన్నమాచార్య

రాగము: మాళవి

చెప్పితే నాశ్చర్యము సేసినచేఁత లితఁడు ముప్పిరి మనుజ వేషమునఁ బుట్టె నీతఁడు	॥పల్లవి॥
రాముఁ డుదయించె దశరథునికిఁ దమ్ములతో గామిడైన తాటకిని ఖండించెను ఆముక యజ్ఞము గాచె హరుని విల్లు విరిచె ప్రేమమున సీతాదేవిఁ బెండ్లి యాడెను	॥చెప్పి॥
మడియించె ఖరునిని మారీచుని వధియించె కెడపె వాలిని యా సుగ్రీవునిఁ బెంచె జడధి బంధించెను సరుగ రావణుఁగొట్టె బడినే విభీషణునిఁ బట్టము గట్టెను	॥చెప్పి॥
సీతాదేవితో నయోధ్య సింహాసనంబెక్కె పోతరించి కుశలవపుత్రు లఁగాంచె శ్రీ తరుణితోఁగూడ శ్రీ వేంకటేశుఁడై నిల్చె కౌతుకమున జగము కరుణఁగాఁచెను	॥చెప్పి॥