ఆంధ్రభారతి - తాళ్లపాక అన్నమాచార్య కీర్తనలు - ఏదైనా సుఖమే యిన్నిటా నీవు గలవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 382-3
సంపుటము: 4-478

తాళ్లపాక అన్నమాచార్య

రాగము: లలిత

ఏదైనా సుఖమే యిన్నిటా నీవు గలవు కాదుగూడదని నిన్నుఁ గక్కసించనేఁటికి	॥పల్లవి॥
యిహపరములలో నీ వెందు నన్నుఁ బెట్టినాను నిహితమై రెంటిలోనా నీవు గలవు వహి కెక్క నేలినవాఁడెక్కడ నుండుమన్నా తహతహఁ గొలువుకుత్తరువే బంటుకుమ	॥ఏదై॥
పాప పుణ్యములలో నేపని నన్నుఁ జేయించినా కాపాడి రెండు నీవు కల్పించినవే యేపున మగఁడైన వాఁ డేమి సేయించినాను దాపగుఁ బతివ్రతా ధర్మమే యాలికిని	॥ఏదై॥
కల్ల నిజములలో నొక్కటి నన్ను నాడించినా చెల్లించ రెంటికి నీవే శ్రీ వేంకటేశా తల్లిదండ్రులే బాస దగ నాడ నేర్పినాను తెల్లమిగ నాడేది తేకువే బిడ్డనికి	॥ఏదై॥