ఆంధ్రభారతి - తాళ్లపాక అన్నమాచార్య కీర్తనలు - వట్టిజోలి యెంత లేదు వైరాగ్యమే సుఖము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 382-6
సంపుటము: 4-481

తాళ్లపాక అన్నమాచార్య

రాగము: కన్నడగౌళ

వట్టిజోలి యెంత లేదు వైరాగ్యమే సుఖము నెట్టుకొని వివేకింప నేరవలెఁ గాని	॥పల్లవి॥
కట్టుకొంటే నెంతైనాఁ గలదు సంసారము పట్టి చేసితేఁ గలవు పనులెన్నైనా చుట్టుకొంటే నూరఁగల చుట్టరికముఁగలదు అట్టె మోక్షము గడించే దరు దింతేకాని	॥వట్టి॥
చేసేనంటేఁ గలవు సేనా సేన పనులు లాసి తగిలించు కొంటే లంపటా లంటు ఆసలు పెంచ జూచితే నంత కంతకుఁ బెరుగు వేసిరి శాంతిఁబొందుటే వేడు కింతేఁకాని	॥వట్టి॥
పనిగొంటేఁ బెనుగొనుఁ బంచేంద్రియంబులు వెనుకొంటేఁ జిమ్మిరేఁచు వేడుకలు తనిసి శ్రీ వేంకటేశు దసానుదాసుఁడై కొన కెక్కఁగ నాతనిఁ గొలువవలెఁగాని	॥వట్టి॥